Subscríbete por e-mail!Foi o de onte un acto que Galego Patrimonio da Humanidade convocou baixo o signo da pluralidade, para facer constar que a defensa do galego a todos convoca e que Feijóo non terá éxito nas súas pretensións de dar pasos atrás. A pesar do día de cans, despois dunha tormenta, todo transcorreu ao milímetro e co Teatro Principal de Santiago de Compostela cheo.
Os organizadores non podemos menos que facer constar o noso agradecemento a Cándido Pazó, que é un crack, un artista por todo o alto, a Roi Casal e o seu grupo, que son espléndidos e conmovedores, a Xosé Díaz, que fixo o logo de GPH, a Paco Vilabarros, que montou coas súas fotos unha imaxe de Galicia, ao responsable do Teatro Principal e aos técnicos que desempeñaron a súa labor e, por suposto, á Concellería de Cultura que cedeu o local.
Tamén a CCOO e UXT, representadas polos seus secretarios xerais, Xosé Manuel Sánchez Aguión e José Antonio Gómez, aos diversos participantes que nalgún caso tiveron que vencer a súa timidez, a todos os que nos axudaron dunha forma ou outra na orgaización dun acto que tivo un desenvolvemento fantástico. Todo o seu traballo foi gratis et amore e merecen o recoñecemento público do seu talento, da súa profesionalidade e da súa xenerosidade. Merece gratitude tamém o público que alí se congregou desafíando unha mañá que ameazaba inclemencia. Formar parte da sociedade civil ás veces ten as súas incomodidades que, no entanto, moita xente despreza con xenerosidade.
A nosa moral recibeu unha compensación tamén co apoio público de Prolingua, que moito agradecemos. E ao das xentes que, aínda non estando alí, nos fixeron chegar a súa adhesión: Manolo Bragado, Daniel Pino, Suso de Toro, Manolo Rivas, Lourenzo Fernández Prieto, Antón Louro e Victor Freixanes (espero non deixar a ninguén no tinteiro). Entre os presentes podían verse rostros de toda condición, entre os que abundaban os sindicalistas como Manel Férnandez ou xentes como Andrés Torres Queiruga, Luís Álvarez Pousa ou Rivadulla Corcón.
Estaban alí Senén Barro, rector da USC, Antonio López, Conselleiro maior do Consello de Contas, Xosé Bugallo, alcalde de Santiago, Carlos Fernández, alcalde de Ames, Carme Adán, deputada do BNG, Xesús Vega, Encarna Otero, tamén do BNG, Tuco Cerviño, Xosé Manuel Lage Tuñas, Guillermo Meijón, deputados do PSdeG e un longo etcétera. A todos os presentes, gracias.
Foi un acto dun estilo diferente aos que solen convocarse baixo este signo, como creo que poderan corroborar todos os que alí estiveron. Rímos moito e pasamolo moi ben. Estivo cheo de firmeza, de determinación e de emoción, pero tamén de bo humor. Falamos do asunto sen dramatismo e con argumentos ben variados, nunha polifonía de voces que deron cada unha o seu ton para que a melodía fose lograda.
Mañá veremos como trata a prensa o evento. Nos días previos silenciouno, como é norma nestes casos. Interesalles que actos transversais como este non teñen repercusión: queren meter a defensa do galego no estante predeterminado, para que todo estea conforme a esa visión reduccionista que lles interesa alimentar.
Se teñen a ben informar, faremos o comentario desa repercusión. Neste momento só vexo referencias en Vieiros http://www.vieiros.com/nova/77213/ldquo-feijoo-debe-volver-ao-consenso-rdquo A Nosa Terra http://www.anosaterra.org/nova/feixoo-vai-ter-que-vir-ao-consenso-porque-a-maioria-social-esta-con-nos-.html e Xornal de Galicia http://www.xornal.com/artigo/2009/11/15/politica/defensa-plural-da-lingua-risco-uns-poucos-votos/2009111500262396496.html
Ademais saíu en:
El País: http://www.elpais.com/articulo/Galicia/nuevo/espacio/evitar/gallego/paso/elpepuespgal/20091115elpgal_7/Tes
Galicia Hoxe: http://www.galicia-hoxe.com/index_2.php?idMenu=86&idNoticia=487689
La Voz de Galicia, edición de Santiago (dixital) , ben agochado noutra nova: http://www.lavozdegalicia.es/santiago/2009/11/15/0003_8108340.htm
En calquera caso… parabéns!
[...] nos medios do acto cívico «Lingua da liberdade» de Antón Baamonde en Café na trincheira e reflexión sobre o significado do [...]