Subscríbete por e-mail!Antes de nada ! gracias a todos aqueles que se alegran de que retorne a este blog ¡. Sodes xente moi amable e cariñosa, chea de cortesía. Un pracer estar en contacto con vós a través deste medio ¡.
O PP parece pensar que Galicia volveu á orde natural das cousas. Dende logo, a dereita carece de complexos: nos cen días que leva no poder en Galicia non tivo inconveniente en facer unha enmenda á totalidade da herdanza do bipartito, tanto da que fora boa como mala. Nótase que dan por feito que perdurarán no poder.
No entanto, hai que lembrar o evidente. A diferenza que separa a PSdeG e BNG dun lado e PP doutro son mínimas. Hai máis dunha década que é así. E a maioría social de ningún modo está garantizada nin para tirios nin para troianos. Tampouco, por suposto, para a dereita.
En realidade, hai que lembralo, o bipartito non gañou polas virtudes propias, senón polo desgaste do PP despois do Prestige e a provecta idade de Fraga.
Tampouco agora Feijóo gañou polas súas propias virtudes senón polo grande esforzo que despregaron tanto socialistas como nacionalistas para perder as eleccións. Sen a súa división e o espectáculo da loita do poder polo poder que daban todos os días eles seguirían aí.
O PP fixo, iso si, apoiado na Voz e outros medios, unha campaña electoral marabillosa: deixou no campo contrario unha estela de desconcerto e deu a sensación de representar a maioría social. Deixou á outra Galicia insegura.
Esa sensación é a máis perigosa. Que retorne o tempo en que todo o mundo daba por sentado que Galicia é de dereitas e que non hai nada que facer.
Non cabe dúbida de que todo o esforzo do PP tende a ese fin.
Agora ben, o natural -se un pode falar así- é que o bipartito retorne ao poder en 2013. Tal e como é Galicia iso sería o máis probable. Sei que unha afirmación como esta non parece evidente, pero creo que é a que se desprende da evolución do país, aínda que baixo o efecto da derrota electoral pareza unha idea como mínimo arriscada.
Estimado Anton;
O equilibrio verase dentro de un ano en 9 meses cando fechemos as municipais, incluso pode que Feijoo se leve un bo susto nas municipais -agas na coruña, ainda que iso depende do que faga con CXG-. Nembargantes as dubidas son:
Sera capaz o BNG de ter unha alternativa crible? E o PSOE?
Como defendera Feijoo o seu mandato co caos exietente…
Polo momento, a TVG xa comezou o seu traballo, ninguneando á oposición e voltando os tempos de Fraga, cando non se sabía como se chamaba o líder da oposición no parlamento.
Pode ser que en dous anos Feijóo leve un pequeno susto, que no seu caso supón non gañar como é de agardar. A clave está na oposición. Pola banda do BNG xa poden ir espabilando, ter moito tino, traballo con xeito e de maneira construtiva e positiva e mirar un pouco máis cara aos movementos sociais (potenciándoos, non fagocitándoos). E, sobre todo, co tema lingüístico, hai que convencer, facer moita pedagoxía e derrubar as falacias.
Si que arriscas, si. Eu penso que Galiza é maioritariamente de esquerda, mais non confia nos dirixentes da esquerda, eu o primeiro. Iso non cambiará a curto prazo, polo que se ve, dada a continuidade da maioría dos dirixentes de ámbolos dous partidos, enmascarada pola pseudoretirada (posto que conservan os seus postos no parlamento) dos seus líderes.
Esa falta de renovación, trala desfeita, continuaranna pagando nas vindeiras municipais (a primeira letra xa lle foi remitida nas pasadas europeas).
Ah! E falando da recurrente influencia dos medios. Que influencia credes que tivo a TVG (por non falar de TVE, La Sexta, CNN+, El País e algún outro máis) nas pasadas eleccións galegas. Porque imaxino que moitos -moitísimos- dos votos socialistas son froito da manipulación deste ente,… que non só da influencia da Voz viven os galegos. Digo eu.
[...] a Antón Bahamonde, hai uns días na súa trincheira, que influencia cría que tivo a RTVG (por non falar de TVE, La Sexta, CNN+, Cuatro, Xornal, [...]