O café na trincheira

• 31 Xan 2010

  A vida segue igual..

  O  Xornal  informa  sobre  pagos  de  Facenda  á  Voz  por  “publicitar”  os  orzamentos  2010. Os  presidentes  e  gobernos  son  continxentes,  pero  Santiago  Rey  é  necesario:  velaí  unhas  das  grandes  leis  non  escritas,  dos grandes  consensos  de  fondo  de  todos  os  partidos -pero  non  o  único,  nin  moito  menos-… http://www.xornal.com/artigo/2010/01/30/galicia/facenda-paga-000-euros-voz-informar-orzamentos/2010013022040400348.html

    Polo  demais,  non  hai  forma  de  non  concordar  con  esta  frase  de  Xoán  Hermida,  da  ONG  Amarante “O sectarismo  é  a  enfermidade  infantil  da  esquerda  galega”..  http://www.vieiros.com/nova/78120/ldquo-o-sectarismo-e-a-infantil-enfermidade-da-esquerda-galega-rdquo

  1 Comentario
  Compartir:
• 31 Xan 2010

  O Xestal

  Todos  os  que  xa  imos  tendo  uns  anos  lembramos  ao  Xestal,  a  quen  Xosé  Manuel  Pereiro,  chama  con  acerto  “O  noso  Lenny  Bruce”.  Moi  pouca  xente  tivo,  como  el,  valor  para  enfrontarse  a  un  medio  asfixiante  e  no  que  todo  se  volvía  gris. http://www.elpais.com/articulo/Galicia/noso/Lenny/Bruce/elpepuespgal/20100131elpgal_11/Tes

   Nun  país  tan  complicado  como  Galicia,  cheo  de  tantos  medos  e  de  tanta  vergoña,  el  tirou  para  diante  co  humor  popular,  co  galeguismo  e  coa súa  identidade  sexual. Estaba  entre  moitos  mundos  e  tal  vez  non  pertencía  enteiramente  a  ningún,  o  que fixo  a  súa  vida  moi  complicada.

  Aqueles  discos  de  45  R.P.M  cos  chistes  do  Xestal  eran  algo  sorprendente  nesa  época. Non  ían  na  mesma  cesta  que  os  discos  de  Edigsa/Xistral  cos  versos  de  Manuel  María  ( aquel  “acuso  á  crase  media” co  que  algúns  de  nós  inferíamos  outras  posibilidades  de  ser )  ou  as  cancións  de  Voces  Ceibes,  dende  Xerardo  Moscoso  ata  Xoán  Rubia.

   Viñan  dun  mundo  máis  popular  e  non  eran  fáciles  de  catalogar  dende  os  criterios  da  época. Máis  tarde,  foi  unha  das  voces  da  protesta  en  Baldaio, e,  como  era  natural  na  época,  iso  costoulle  incrementar  a superficie  do  círculo  de  tiza  no  que  foi  metido..

  ¡Comenta esta entrada!
  Compartir:
• 30 Xan 2010

  Baltar gaña..

  Como  era  previsible  Baltar  pequeno  gañou  o  congreso  do  PP  ourensán,  contra  Feijóo  e  Rajoy   http://www.elpais.com/articulo/espana/Vapuleo/candidato/Rajoy/Feijoo/congreso/PP/Ourense/elpepuesp/20100130elpepunac_5/Tes

  Ata  o  momento,  no  plano  interno  Feijóo  sempre  gañou,  gracias  tanto  á  sua  baraka  como  ao  instinto  de  supervivencia  do  conservadurismo  local,  tan  eficaz. Esta  é  a  súa  primeira  derrota  nese  terreo.

  A  pregunta  é  se  a  constatación  da súa  debilidade  non  lle  dará  folgos  a  outros  posibles  discrepantes:  se  na  etapa  do  bipartito  xerouse  un  grande  descontento  interno  no  PSdeG  e  BNG  pola  maneira  en  que  se  gobernaba  non  outra  cousa  sucede  hoxe  no  PP. O  exercicio  do  goberno  inevitablemente  crea  descontentos,  especialmente  no  propio  partido.

  4 Comentarios
  Compartir:
• 30 Xan 2010

  O paro en Galicia

  “La  Opinión”  da  as  cifras  do  paro  en  Galicia. Como  era  de  prever  Pontevedra  rexistra  o  índice  máis  alto,  un  15,41  fronte  ao  máis baixo  da provincia  da  Coruña,  un  11,5.    http://www.laopinioncoruna.es/economia/2010/01/30/paro-sube-galicia-30-49300-hogares-trabaja-miembro/354569.html 

   Dise  que  a  Galicia  os  ciclos  chegan  máis  tarde  e  vanse tamén  despois. Pero  Galicia  tamén  estivo,  en  termos  relativos,  menos  exposta  ao  ladrillo  que  o  conxunto  de  España. Os  efectos  sociais  do  paro  irémolos  comprobando no  futuro. Na  Galicia  de  hoxe  moitas  familias  xa  non  teñen  as  antigas redes  de  protección  -o  campo,  etc-.

  3 Comentarios
  Compartir:
• 29 Xan 2010

  Aviso: perigo para PSOE e PSdeG

  O  PSOE  aproba  unha  iniciativa  inxustificada  tanto  polo  fondo  como  pola  forma    http://www.elpais.com/articulo/economia/Gobierno/destierra/cotizacion/carta/reclaman/sindicatos/elpepueco/20100129elpepueco_5/Tes 

  Polo  fondo,  porque  se  o  déficit  é  tan  enorme  e non  se  poden  cadrar  as  contas  públicas  entón  a  política  do  goberno  non  foi  errática  -dende  o  cheque-bebé  ao  plan  E-  foi  directamente  un  despropósito. Habería  que  ter  preparado  o  terreo,  introducindo  elementos  para  un  debate  colectivo.

  Pola  forma,  porque  non  se  poden  sacar  estas  cousas  a  golpe  de  telexornal. Hai  que  ter  falado  coa  oposición,  cos  sindicatos,  convocar  o  Pacto  de  Toledo,  etc.

  Da  a  impresión  que  todo  se  remite  a  evitar  que  cunda  unha  imaxe  de  España  como  o “enfermo  de  Europa”  e  a  próxima  catástrofe  para o  continente  -iso  foi  dito  en  Davos-. Pero  a  radicalidade  das  medidas, e  a  forma  dramática  en  que  se  presentan,  inducen  a  pensar  que  o  goberno  ocultou  e  oculta  as  cifras  reais,  dende  a  contaminación  dos  activos  bancarios  polas  inmobiliarias  ás  perspectivas  do  mercado  de  traballo.

   Preténdese  dar  confianza  fora  de  España  ( o  que  significa  que  ata  o  momento  ignoramos  canto  de  grandes  eran  os  perigos  que  terá  que  afrontar  a  economía  española no  futuro  inmediato )  e,  ao  mesmo  tempo,  centrarse  políticamente  no  interior,  na  crenza  de  que  chantar  esa  bandeira  da  austeridade  significa  estreitar  o  territorio  do  PP.

   Con  estas  perspectivas  e  salvo  que  suceda  un  milagre  o  PP  ten  practicamente  gañadas  as  eleccións  futuras. Por  iso  o  problema  non  é  que  perda  Zapatero  senón  que  se  abra  un  ciclo  longo  de  control  do  poder  pola  dereita  -hai  síntomas  de  que  iso  poda  suceder-.

    Ao  tempo,  en  Galicia anúnciase  o  recurso  de  inconstitucionalidade  contra  a  Lei  de  Caixas   http://www.elpais.com/articulo/Galicia/Gobierno/da/primer/paso/recurrir/ley/gallega/cajas/elpepuespgal/20100129elpgal_3/Tes

  O  feito  de  que  se  pretenda  facelo  mediante  o  procedemento  de  trámite  de  urxencia  indica  que  será  presentado  -despexando  así  as  dúbidas  sobre  a  cuestión.

  É  un  erro  gravísimo  que  pode  implicar  a desaparición  das  dúas  caixas,  co  que  iso  supón  de  golpe  para  a  deteriorada  economía  galega,  e  que  pode  levar  ao  PSdeG  a  onde  xa  o  levou  no  pasado Abel  Caballero.

    O  PSOE  e  o  PSdeG  están  tensando  as  cordas. Deberían  reflexionar  sobre  o  derrumbe  dos  partidos  socialistas  europeos  e  a hexemonía  conservadora  no  continente.

  Co  pulso exangüe  en  Madrid e  Valencia,  cunha  Andalucía   na  que por  primeira  vez  pode  ser derrotado  polo  PP  e  con  Cataluña  na  corda  froxa  do  Estatut, a  cuestión  das  caixas  pode  levar  á  derrota  a  un PSdeG  que  será  percibido  como  sucursalista  “gratis  total”  (  pois  ou  hai  motivos  ocultos  ou  a  venalidade  da  decisión  é  absoluta ).

    ¿É  inimaxinable  que  o  PSOE  se  derrube  ?. ¿ Ou  que  o  PSdeG  se  desfonde,  arrastrando  consigo  a  posibilidade  da  alternativa ?. Servidor  non  tentaría  a  sorte..

  5 Comentarios
  Compartir:
• 29 Xan 2010

  Escasean os apoios

  Escasean  os  apoios  a  Abel  Caballero  se  un  le  “El  Correo  Gallego”  http://www.elcorreogallego.es/galicia/ecg/escaso-apoyo-caballero-movilizar-vigo/idEdicion-2010-01-29/idNoticia-510875/  Pero  se  un  pasa  ao  Faro  de  Vigo  as  cañas  tórnanse  lanzas  http://www.farodevigo.es/galicia/2010/01/29/consello-social-vigo-respalda-caixanova-gobierno-sigan-ciudad/406966.html

     Son os  milagres  da  información. Será  curioso  ver  a  partires  de  agora  -en  que  as  cartas  xa  están  lanzadas-  como  os  diversos  actores, e  particularmente  os  empresarios  vinculados  ao  PP  -os  Alvariño, García  Costas,  Borrás-  van  modificando  ou  non  a  súa  posición. Non  cabe  dúbida  de  que  a  presión  do  PP  e  a  perspectiva  do desenlace  fará  que  moitos  viren  ou  calen. A natureza  humana  é  a  que  é.

    Por  outro  lado,  o  Goberno  central  da  un  paso  máis  na  dirección  do  erro.  http://www.elpais.com/articulo/Galicia/Gobierno/da/primer/paso/recurrir/ley/gallega/cajas/elpepuespgal/20100129elpgal_3/Tes

    Se  finalmente  presenta  o  recurso  contra  a  Lei de  Caixas  lla  fará  un  grande  favor  ao  PP  e  correrá  o  risco  de  provocar  o  desmantelamento  en  galicia  das  dúas  caixas. Eles  verán.

  4 Comentarios
  Compartir:
• 28 Xan 2010

  Por suposto..

  Por  suposto,  Roberto  Blanco  Valdés  pode  dicir  o  que  lle  veña  en  gaña,  lle  guste  ou  non  a  un  o  que  di.  http://www.lavozdegalicia.es/galicia/2010/01/28/00031264684307040367279.htm Faltaría  máis.

   É  algo  tan  evidente  que  case  da  vergoña  afirmalo. A  liberdade  está  para  usala:  para  que  a  xente  diga  o  que  considere  conveniente  e  oportuno,  sen  que  caiba  sentirse  ameazado  por  iso.

   O  comunicado  que  moi  logo  sacou  o  BNG  é  moi  apropiado  http://www.lavozdegalicia.es/galicia/2010/01/28/00031264697038216819660.htm porque  nada  sería  máis  pernicioso  -véxase  o  post  anterior-  que  identificar  ao  galego  con  calquera  reticencia,  de  calquera  tipo,  á  liberdade  e  ao  uso  da  liberdade  de  expresión.

  7 Comentarios
  Compartir:
• 28 Xan 2010

  Se un simplifica..

   Hai  un  ano  o  segmento  de  opinión  máis  sensible  á  sorte  do galego  comezaba  a  situarse  nun  estado  de  en  plena  desolación. Dende  aquela  ese  sentimento  foi  substituído  por  un  ánimo  máis  enteiro  e  esperanzado,  produto  do  cambio  de  atmosfera  que,  entre  tanto, foíse  producindo.

    Se  un  toma  como  referencia,  no  entanto,  o  mainstream do  país  e  intenta  simplificar  os  dous  polos  que  marcan  esa  atmosfera  observará  que  a  xente  móvese,  a  día de  hoxe,  entre  unha  certa  defensa  do  galego  de  grande  amplitude  social  e  que,  sen  dúbida  algunha,  alcanza  a  grande  número  de  castelán  falantes  usuais,  dun  lado,  e,  no  outro  polo,  a  negativa  á  “imposición”  que,  certamente,  expresa  un  punto  de  vista  que  non  pode  reducirse  a  aqueles  que  o  instrumentan  como  unha  pura  xustificación  para  o  intento  de  eliminación  do  galego  da  vía  pública.

    A  “imposición”,  non  cabe  dúbida,  é  unha  argucia  en  mans  dos  que  sosteñen  un  liberalismo  de  ocasión,  que  simplemente  facilita  o  obxectivo  “En  España,  en  Español”  pero  expresa  tamén  un  item  -o  da  liberdade-  que  hai  que  saber manexar  e  respeitar.

     De  feito,  convén,  para  que  o  bumerán  non  volva  a  mudar  de  dirección,  ser  sensible  a  eses  polos  da  sensibilidade  colectiva  e  procurar  o  primeiro  sen  provocar  a  suspicacia  do  segundo.

    Máis  difícil  é  precisar  que  poda  significar  iso  en  concreto. Pero  as  actitudes,  os  énfases  que  se  poñen nas  cousas,  a  liberalidade  coa  que  se  poñen  en  practica  poden  causar  ou  evitar dificultades..

  5 Comentarios
  Compartir:
• 28 Xan 2010

  Á espera

  Últimas noticias  indican  que  tal  vez  o  Goberno  central  medite  un  pouco máis  antes  de  presentar o  recurso  de  inconstitucionalidade  contra  a  Lei  de  Caixas. Non  obstante,  Fernando  Macías  dao por  feito      http://www.laopinioncoruna.es/opinion/2010/01/28/opinion-espera-recurso/353950.html

    Parece,  polo  que  conta,  que  no  PSdeG  son  conscientes  dos  problemas  que  lles  suporía.

    Polo  lado  de  Ourense,  Baltar  pasa  de  Rajoy  como  antes  o  fixo  de  Feijóo. “Temos  un  problema,  Houston”, deben  estar  pensando  en  Chez  Rueda  http://www.elpais.com/articulo/Galicia/Baltar/ignora/Rajoy/rechaza/lista/unica/elpepuespgal/20100128elpgal_1/Tes

    O  desenlace,  proximamente.

  2 Comentarios
  Compartir:
• 27 Xan 2010

  Contra a fusión

    Abel  Caballero  convoca  unha  manifestación  contra  a  fusión das Caixas  

    http://www.elpais.com/articulo/espana/alcalde/Vigo/convoca/manifestacion/fusion/cajas/elpepuespgal/20100127elpepunac_12/Tes

    Intenta,  obviamente,  ser  o  Paco  Vázquez  de  Vigo. E  cabe  que  o  consiga.

  Non  é  probable  a  día  de  hoxe  pero,  dende  logo,  reúne o  que  poderiamos  chamar  certas  “condicións  obxectivas”. Ten  detrás  del  ao  xornal  da  cidade, á  Cámara  de  Comercio,  ao  Círculo  de  Empresarios,  e  the  last  but  not  the  least  á  propia  directiva  da  Caixa  organizando  a  súa  supervivencia.

   Certo  que  na  rúa  tal  vez  o  asunto  teña  menos  peso  !quen  pode  medilo ¡ do  que  no  seu  día  o  da  capitalidade  na  Coruña  pero  quen  sabe..

  15 Comentarios
  Compartir:

Blog publicado con Wordpress

© Todos os dereitos reservados

Cabeceira: Guillermo Varela - Deseño: Daniel Solana - Programación: Rodrigo Díez Villamuera